最近兩星期, 直至今日, 我知道自己既長者義工裡面, 有4個長者義工過身.. 其中3個係突然過身. 起初係可以接受到, 之後, 愈來愈多, 就好難接受到, 甚至感到心裡鬱悶, 傷感, 以及無助.

當中有2個長者, 係我早前有感動想call佢地, 但係因為真係太忙, 所以priority係無做到.. 我知道為時已晚後, 我怪責工作太多未能關心呢d長者, 又擔心唔知點同其他義工講呢個消息.. 不過, 現在定下心神, 就開始計劃點樣面對.

其實, 我地唔能夠控制生命既長短, 但係可以計劃佢是否夠精彩, 令自己活過及無遺憾. 有時, 我好忙既時候, 都會諗諗, 自己咁忙會唔會失去左健康? 自已除左會keep番好個健康之餘, 亦會let go自已呢個思想, 及肯定自己要做一d有意義既事.

最近, 有一d工作上既方向, 我比以前成熟左, 決定一個地方既去留, 已經唔再係以感覺同關係來量度, 而係理性咁去諗自己想點樣行呢條社工路落去... 希望, 響6月底之前, 自己有一個定論啦~